البارت الرابع
.......الفصل الاول........
صارت الساعه 12 والكل مشى من بيت بو راشد
وفي سيارة وليد كان وليد ساكت وهويسوق بالعاده كله يسولف
ويستهبل وعذاري زوجته مستغربه منه صاير هادي
عذاري : حبيبي وليد وشفيك ليه ساكت
وليد يبتسم بدون نفس: مافيني شي لاتشغلين بالك
عذاري : قص على الناس كلها الا علي انا من جد وشفيك
وليد يصرف السالفه: زعلان ارسل لك راسايل ولاتردين علي مستكثره علي
كلمة احبك
عذاري برومنسيه : ياعمري زعلان علي انا موبس احبك انا اموووت فيك
( تبوسه على خده) خلاص رضيت
وليد بهبال: احم احم افكر ارضى ولا لا ههههههه
عذاري: حتى الضحكه اطرها منك طراره وشفيك
وليد: حبيبتي عذاري وصلنا انزلي وفي البيت تعرفين السالفه
ودخلوا البيت وسمعوا صوت بووليد وهو يصارخ على علي وراح وليد ولحقته عذاري
بو وليد بصراخ: كفووو عليك من ولد وتروح تفشله وهوعصب وضربك وطلع من الدم
وهذا انت اكبر منه
علي: يبا هو الي استفزني
بووليد: ولاا كلمه فشلتنا الله يفشلك
مشعل ياشر لعلي انه يعتذر : يبا لاتعصب اليوم يتزاعلون بكره يتراضون
علي قرب من ابوه بيعتذر
بووليد: لاتقرب مني وفارق عن وجهي
علي طلع وراح عند اخته دانه
وليد راح عند ابوه يهديه
بعيد عن بيت بووليد
في بيت اخوه بوراشد
بوراشد : وين نواف يا ام راشد
ام راشد: مدري
راشدبخوف: في غرفته
بوراشد: متى رجع
راشد:هو ماطلع اصلا علشان يرجع
بو راشد : يعني يوم نحط العشاء كان موجود في غرفته متخبي زي البنات
راشد: صل على النبي يايبا يعني ماتعرف نواف طول عمره مايحب العزايم
بوراشد: ماعلينا منه الا وشفيه دخل وليد المجلس وهو زعلان
ام راشد: زعلان وزوجته حامل بعد سنتين من زواجهم
بو راشد نسى السالفه: عذاري حامل
ام راشد بفرحه: اييي حامل وفي الشهر الثاني بعد
بو راشد : الله يحفظها هي مع ولدها
ريما من الفرحه تنقز على ابوها وتضمه: يااااااااااي دادي بصير خاااله
بوراشد: طيب ابعدي ذبحتيني
ريما: هههههههه شسوي احبك دادي
بوراشد: وانا اكرهك
ريما: ياسلام وهذا حفيدك مدري حفيدتك مابعد يجي وتسوي فيني كذا
شلون لو جا
راشد: بنحطك في كيسه وبنرميك في الشارع
ريما مفتحه عيونها على الاخر: شنو شنو دادي شوفه
بو راشد: هههههههه لالا هذي ريما الغاليه حبيبت ابوها
ريما ترجع تضم ابوها: فديتك يلا دادي بروح انا تصبح على خير
وباست راس ابوها وامها ولا افتكرت في اخوها ومشت جنبه ومسكها راشد
راشد: انا مالي شي يا انسه ريما
ريما تبعد يده بغرور : الين تعدل كلامك ذيك الساعه اقولك تصبح على خير
راشد : افا اختي ريوم تزعل مني افا انا راشد اخوك
ريما : لااااااااا جد اخوي توني ادري زين قلت لي
راشد: يلا عاد ريووم لاتزعلين
ريما: وانا اقدر يلا تصبح على خير
وراحت عنهم
راشد بخوف: يبا
بو راشد: اليوم عمي بووليد ما قال لك شي في العزيمه
بو راشد: لا وانا ابوك بس شكله متضايق حاوت انا فيه تيكلم يقول وش فيه مارضى
وكلمه مشاري واخوي عبد العزيز كله يرد علينا مافيني شي
راشد: انا اعرف وش فيه
بوراشد: وشفيه يابوك طمن قلبي على اخوي
راشد قال حق ابوه السالفه
وفي بيت او شقة وليد
عذاري تهدي في وليد الي جالس على السرير وهي جالسه على الكرسي
عذاري : بس عاد صارلي ساعه اتكلم وانت معكر هالوجه خربت علي فرحتي
وليد بستهزاء: فرحت ابوي زعلان ولا طردتي من البزر نواف
عذاري شبه بسمه مرسومه على وجهها وحاطه يدها على بطنها: لا فرحتي اني بصير ام
وليد فتح عيونه وقف على السرير : عيدي الكلام الي قلتيه
عذاري: انا حاامل
وليد قام يناقز على السرير ويرقص: انا بصير ابو ودانه اختي عمه وراح ولدي وطي ههههههههه
عذاري: ههههههههه دامك اابوه بيروح وطي هههههههههههههه
وليد ياخذ المخده ويرميها على عذاري : تستهبلين
عذاري:هههههههههه الجنين ماتخاف عليه
وليدنسى سالفة زعله وراح حق عذاري: اذا بنت ساره على اسم امي الله يرحمها
واذا ولد على اسم ابوي خالد
عذاري : لاااا والله
وليد: كنه كلامي موعاجبك مدام عذاري
عذاري:البنت ساره ولولد راكان
وليد:بلا راكان بلا بطيخ انا قلت خالد يعني خالد
وعلى هالسالفه
نرجع لبيت بوراشد الي صار بركان من الغضب
بوراشد معصب ويناد نواف باعلى صوته: نواااف يانووواف
ام راشد كانت خايف على الغالي ولدها وتبكي: يافارس بلا صراخ لاتخرع الولد
بوراشد: كله من دلعك الزايد له فشلنا مطرود من الكليه ومتهاوش مع الدكتور ولا بعد
ويطرد عيال اخوي من بيتي
نواف جا وراح ورى امه خايف من ابوه
نواف خايف : نعم يبا
بوراشد: وحطبه فوق راسك قول امين ليه مسود وجهي قدام عمك خالد
نواف: هو الي بدا موانا
بو راشد بصراخ: اسمع الحين تشغل سيارتك وتروح بيت عمك وتعتذر من عمك ولد عمك
نواف يبتعد عن امه: اسمح لي يبا روحه مني بــ....
ويقطع كلام نواف كف على وجهه من بوراشد
بوراشد: وانا فارس بن تركي ماعاش من يرد لي كلمه وان ماراحت لي عمك ماك مكان في البيت
ام راشد اشهقت شهقه وضمة ولدها الي ظل ساكت من الكف
ام راشد وهي تبكي: روح يمه سوا الي قال عليه ابوك روح يمه روح
نواف: يمه ابوي ضربني يمه وسالت دمعه من عين نواف وترك امه وراح
ليست هناك تعليقات:
إرسال تعليق