الجزء العشرون
الفصل الاول..
فيصل يقوم ويرد: الوووو الووو سكت لان صوت بكي وشهقات صوت بنتي موقادره تتكلم وتوهق هو موعارف مين هي او وش جنسيتها..
هلووو.. هلوو
جاله الصوت انوثي باكي: الووو فيصل انا ليلى فيصل الحق علي
فيصل بعد عن الشباب وهو منصدم: ليلى؟؟ خير وش صاير ليه البكي
ليلى: نايف ظربني وخالني هنا بهولندا لحالي فيصل(( تشهق))انا ماعرف حد غيرك ولالي غيرك فيصل طلبتك ساعدني.. وترجع تبكي ..
فيصل : طيب انتي اهدي تكفين لاتبكين وربي قطعتي قلبي
ليلى اسكتت شوي
فيصل: ممكن تقولين لي انتي وين وارجوك بدون بكي
ليلى: انا..
عند الشباب ..
راشد يناظر في فيصل الي صار بعيد عنهم:من يكلم هذا
علي:المفروض يدقون 12مو9ونص
نواف: لا ياذكي واجد 12 هوينام
بدر يمسك محفظة فيصل ويطلع منها الرخصه: انا عرفت من يكلم
مشعل: مين يا كونان
بدر يرويهم الرخصه وياشر ع صورة فيصل: اكيد هذي ماكو غيرها
الكل: هههههههههههههههه
فيصل يجي لهم وهومرتبك اول مره يكلم بنت ولا بعدوهي تبكي مواي بنت هذي ليلى حبيبته
.....
فيصل ياخذ المفتاح من الارض: يلا شباب انا بمشي مره ثانيه اسهر معاكم.. ويسحب من يد بدر المحفظه والرخصه..
راشد ياشر بيده: سلامات بو الشباب وين بتروح
فيصل: بمشي يلا مع السلامه .. ويتركهم..
مشعل: اشفيه هذا
راشد: بروح اشوفه .. ويلحق فيصل..
فيصل يسكر باب سيارته
راشد يدخل السياره...
فيصل يلف: راشد!!
راشد: وين بتروح وليه مرتبك وشفيك
فيصل بكذب: لي صديق تعبان بالمانيا وانا رايح ازوره .. ويرفع جواله ويدق..
راشد: فيصل السالفه موداخله مزاجي
فيصل ياشر لراشد اسكت: الوو بووجدان وش صار .. انا ابغى اليوم.. مومشكله بس المهم اليوم اسافر .... ان شاء الله 12 انا موجود بالمطار..مشكووور يالغالي ان شاء الله نخدمك في الافراح ... الله يسلمك
راشد: من بعد هذا بووجدان
فيصل يدخل جواله في جيبه: صديقي يشتغل بالمطار وقلت له يجحز لي
راشد: يعني مصر تسافر حق صديقك
فيصل صفط كلامه: اوصلك بيتكم ولا بتنزل ولا ابغى كلام كثير
لان وراي سفر
راشد ناظر فيصل من فوق لتحت: بنزل الغلطان الي يكلمك
فيصل: راشد مووقتك تزعل
راشد نزل ولا كانه حد يكلمه وسكر الباب بقوه
وفيصل اصفطه وحرك بسرعه لبيتهم...
&&&&&&&&&&&&&&&&&&&&&&&&&&&&&&&&
في مجمع الظهران..
في احد المحلات الكسسوارات..
جوري: والله تعبتي حالك صدقيني اختها ماراح توافق
ريوف: نطلع من هنا ونروح بيتهم ونكلم خالتي ام راشد موعذاري
دانه: صح عليك وجوري هي الي تاخذها معاها
ريوف تاشر على طقمين لونهم تركواز وبيج: من احلى هذا ول ولا الثاني
دانه: من يصدق ريامي راح تلبس من المحلات ذول
جوري: اي والله
ريوف: انا قلت لكم من احلى موقلت تحلطموا
جوري: الثاني احلى
ريوف: لوسمحت ممكن تقرب هالطقم
البياع: التركواز
ريوف: ايوه
&&&&&&&&&&&&&&&&&&&&&&&&&&&&&&&&
فيصل طلع من الحمام وبلس ملابسه بسرعه وبدا يجهز شنطته
ام فيصل اطق الباب وتدخل وتشوف فيصل يحط ملابسه في الشنطه
ام فيصل بدهشه: فيصل؟؟ وين بتروح
فيصل بكذب: بسافر صديقي تعبان
ام فيصل: صديقك تعبان انت ليه تسافر
فيصل: يمه عمري هو سافر وتعب هناك وانا بروح له هناك
ام فيصل: وان شاء الله وينه صديقك
فيصل يسكر الشنطه ويرح عند التسريحه ويفتح الدرج: المانيا (( ياحليلي اكذب وانشر الكذبه))
ام فيصل: طيب خلك واذا جا روح له
فيصل : مقدر يمه الكل جنه الا انا
ام فيصل بيأس من ولدها: ومتى طيارتك
فيصل: وحده بظبط اطير
قرب من امه وباسها: يمه ادعي ان الله يسهل لي هالسفره وارجع لك سالم وحتى صديقي يرجع سالم لاهله
ام فيصل: الله يوفقك ويبعدك عن كل شر ويحفظ صديقك
فيصل يشيل الشنطه: ابوي نايم ولا وين
ام فيصل: بغرفته جالس
فيصل: بروح اسلم عليه
&&&&&&&&&&&&&&&&&&&&&&&&&&&&&&&&
ام راشد: يا هلا ويامرحبا
عذاري: دقيقه بنادي ريما
ام راشد : اجلسوا مابغيتي ياريوف تزورينا
ريوف: انشغلت بدراسه وتجهيز لزواج اخوي
في الدور الثاني غرفة ريما
راشد يمسك ريما: ان طلبتي منهم جوال ياويلك
ريما: ريح بالك ماراح اطلب
عذاري: لاتهتم انا بجلس وبشوفها
ريما اطلعت من الغرفه تركض لصديقاتها وخواتها وحبيباتها وكل شي
ريما بس شافت ريوف اركض لها ضمتها
ريما تبكي: وحشتيني يالقاطعه
ريوف: وانا كثر بس عاد ريما ذبحتيني ههههههههه
ريما تضربها على راسها: لانك واحشتني هههههههههه
جوري: وحنا مالنا سلام
ريما: حبيبتي انتي شخباركم وين دانه ليه ماجت
ريوف: تقول راسها يالمها وراحت
ريما:اوكي انتم ليه واقفين اجلسوا
ريوف تقرب منهاوتهمس لها: ترى شريت لك فستان وكل شي وحنا جاين ناخذك
ريما لفت لها وهي منحرجه: مشكوره
ام راشد: شخبار امك ريوف
ريوف: تماام وانتي شخبارك
ام راشد: الحمدلله وانتي جوري وشخبارك
جوري: تماام خالتي ممكن اطلبك طلب
وتكفين لاترديني
عذاري: شنو طلبك حبيبتي
جوري ولا كانها تسمع صوت عذاري: خالتي اطلب
ام راشد: عيوني لك
جوري تمثل وتسوي روحها تكسر الخاطر: خلي ريامي تجي اليوم تنام عندي انا الله مارزقني بخواتي وريامي زي اختي فا طلبتك خالتي خليها يمكن اليوم تاكل حيل ضعفانه
ريوف: من جد صايره رقم واحد
وجوري صفر ههههههههههه
الكل ماعدا عذاري: ههههههههههههههههههه ههههههههه
جوري: وش قلتي خالتي
عذاري بسرعه: لالا شنو تنام قصدي مانبغى نثقل عليك
جوري: انا طلبت خالتي وابغى اسمع رايها
ام راشد: اذا هي موافقه عادي وياليت تقنوعوها تاكل اكلها مره صاير قليل
عذاري بصدمه: يمه بتخليها تروح
ريوف: هي رايحه بيت عمها مو بيت واحد غريب
ام راشد: قالتها القمر قومي يمه جهزي اغراضك
ريما ريما اخاف راشد يشوفها : بقول لشغاله جولي جولي
جولي: نأم انسه(( نعم انسه))
ريما:اخذي شنطه صغيره وحطي فيها بلابسي وهاتي عبايتي والشنطه
جولي : وين في روح انسه
ريما: جولي انقلعي من وجهي
ريوف: ماتجي معك عند جوري هههههههههه
ريما : من جد ملقوفه ههههههههه
جوري: ونااسه بتجي ريامي بتن...
ويقطع كلام جوري صوت راشد الماجد الي طالع من جوال ريوف
..الحب خالد وحبي خالد وباقي للحبه..
واحب دارن سكن فيها..
ريوف تناظر بالجوال((اسيره بحبه يتصل بك))
.. ياحبيبي هذا وقتك دحووم تدق..: الوو هلا بدر
عبد الرحمن: اي بدر يا الطيبه
ريوف: اي بجي لاتاخاف انا بيت ريامي صديقتي
عبدالرحمن: مغبر جوك روفي قلبي
ريوف: اييه
عبدالرحمن: اجل ماني مسكر هههههههههه
ريوف: هههههههههههه الله يرجك بدر عن الهبال يلا بااي.. وتسكر في وجهه..
جوري عرفة من المتصل عليها: بدر شكله داق بس حق ثقالة الدم صح
ريوف: اي احيانا سوي عمره خفيف دم الله يعين زوجته هههههههههههههههههه
جوري: امين ههههههههههههههههههههه
ريوف : يلا جوري خلينا نمشي
جوري: يلا ريوومه قومي
ريما البست عباتها وسلمة على امها ولاسلم على اختها وطلعت معاهم..
&&&&&&&&&&&&&&&&&&&&&&&&&&&&&&&&
الساعه 12ونص
تسكر بااب الطياره.. والناس تحط شنطها ..والي يدور مكانه.. والي يسولف مع الي جنبه..
..وفيصل جالس ساكت يفكر بالي اطلبت مساعدته.. ليه ظربها ؟؟وكيف يخليها في فندق؟؟ ماياخف على زوجته!! وهي ليه مادقت على ابوها او امها؟؟
ليه انا؟؟ انا ولد عمتها مو اخوها ولا عمها.. ويقطع تفكيره صوت
: لوسمحت لوسمحت
فيصل يلف على جهة الصوت شاف بنت متحجبه وماسكه كتاب وشكلها صغير يعني بين17و20 : نعم اختي
البنت منحرجه وبصوت واطي تتكلم: الله ينعم عليك بس ممكن تجلس جنب النافذه
فيصل: نعم ماسمعتك
البنت انحرجت : ممكن تجلس جنب الدريشه قصدي النافذه
فيصل: ليه
البنت : اذايزعجك خلاص
فيصل : لا مايزعجني .. وجلس جنب النافذه.. شكلك تخافين
البنت حمر وجهها: ايه انت سعودي
فيصل: ايه وانتي
البنت: انا كويتيه
فيصل: هلابيك
البنت: تسلم انت مبتعث ولا رايح سياحه
فيصل: لا سياحه وانتي
البنت: ادرس في هولندا بس مومبتعثه على حساب امي
فيصل رفع حواجبه: وابوك؟؟
البنت: متوفي.. ابوي كويتي وامي سعوديه عشان كذا انا عايشه في السعوديه
فيصل: اووه الله يرحمه اسف
البنت: عادي
فيصل سكت وسكر عيونه يدور الراحه من دوامت التفكير والاسئله الي براسه الي من دوون جواب
&&&&&&&&&&&&&&&&&&&&&&&&&&&&&&&&
يوم جديد على الرباعي المرح..
جوري: ريووم يلا قومي الكل جهز
ريما تبعد شعرهاعن وجهه:اوكي الساعه كم الحين؟؟
جوري: الساعه ثمان ونص يلا قومي اجهزي عشان بروح نفطر
وقيسي الفستان شوفيه واسع عليك ولا لا
ريما: طيب
جوري : موتقولين طيب مثل امس ولاتقيسين
ريما: جوري يامزعجه طيب
جوري تطلع عنها وتشوف امها زعلانه
جوري: وشفيها ام فيصل زعلانه
بوفيصل: اخوك مسافر
جوري تشهق: فيصل سافر
ام فيصل: حاولت فيه مارضى ابوك كلمه نفس الشي
الا يزور صديقه
جوري: ليه وشفيه صديقه وين راح اي دوله
بوفيصل: راح المانيا وفي المانياصديقه تعبان
جوري: الله يعينه المهم جهز الفطور
ام فيصل: الحين اروح اكلمهم جلست ريما
بوفيصل: ريما هنا؟؟
جوري: ايوه انت نمت.. حنا جينا من بيتهم
بوفيصل: طيب بروح اشوفها
جوري: اروح معك
بوفيصل ياشر بيده: لا لا انا ابغى اكلمها لحالي
جوري غارت: لا والله وليه انت ماتكلمني لحالي
بوفيصل يبتسم: بكره بكلمك لحالك
ام فيصل: هههههههههههه جوري تغارين
جوري مدت بوزها: لا روح كلمها... وتتركهم...
بوفيصل: هههههههههههه ههههههههههههههه
ام فيصل: ياحليلها بنتي الا صحيح وشتبغى فيها
بوفيصل: بشوف وش قصتها موالحين راح اكلمها بعد الفطور .. ويدخل الحمام..
&&&&&&&&&&&&&&&&&&&&&&&&&&&&&&&&
نواف يسكر باب غرفة ريما: صوفيا وين ريما؟؟
صوفيا تفتح باب غرفةريما: في روح بيت بابا بو فيسل
راشد: اطلعت القذره قالت لي عذاري امس
نواف: احسن عشان ترتاح من كلامك
راشد: وربي انك ماتحس
نواف: ممكن اسالك سؤال
راشد: خير
نواف: انت ليه بكبر السالفه
راشد يرفع حاجب ونزل حاجب: انت تستغبى ولا كيف
نواف: حد يدري بالسالفه غيرنا
راشد: لا ليه تحب يعرفون الناس
نواف يكمل وصافط كلام اخوه: هي لاسمح الله حامل ولا مو عذراء
راشد: لا بس خانتنا
نواف: اجل خلاص سكر السالفه اخذت حقها
بطقك بعد طقك مااظن بتكلم حد ..ياراشد ابوي متضايق من حالتها وقام يسال عذاري ويسالني وحتى ريما نفسها يسالها وهي بس دمووع ارحمها بلا همجيه وطق عشان ابوي
راشد: بس بس تراك طفشتني
نواف عاطه نظره ومشى عنه...
&&&&&&&&&&&&&&&&&&&&&&&&&&&&&&&&
بعد ست ساعات متواصله وصلت الطياره الي فيها فيصل لمطار امستردام
واخذ تاكسي الى الفندق الي فيه ليلى وهو يناظر البيوت وناس الي يمشي
والي راكبه سيكل
وصل الفندق وراح الى الغرفه المطلوبه ودق الباب
ليلى افتحت الباب وشافت فيصل لابس بنطلون اسود وفيه كلامات بيضه وبلوزه سوده و محدده بلون ابيض .. فيصل بس شافها تنح موعارف يتكلم او يقول شي.. والي صدمه اكثر ان ليلى ضمته ليلى ارمت في حظنه وبكت
فيصل دخل وسكر الباب وبعدها عنه: ليلى لاتبكين وفهميني بدون بكي
ليلى تمسح دموعها وجلست على السرير: انا مومتعوده اطلع بعبايه وحجاب في دوله اجنبيه لانك عارف وش يقلون عن الي يلبسون
فيصل جلس على الكرسي قدامها ومد لها منديل: ايوه كملي
ليلى: هوعصب ليه انا مالبس عبايه وظربي وقبل كذا كان يبغى يسكني في شقه في حي الله لايوريك اياه يافيصل انا رفضت وسحبت وفلوس وسكتنه هنا
وكل يوم يطلع ويرجع في اخر الليل سواني له عبدة فراش ويوم تكلمت معه قال هنا كل شي غالي وانتي تبغين شي فخم يليق ابستواك يا بنت بابا
ويوم طفح الكل تهاوشت معه وكسر جوالي وظربني .. وراح صوتها بالبكي..
فيصل: ليلى ليلى .. يرفع وجهها.. لاتبكين تكفين لاتبكين هو وينه وانا اوريك فيه
ليلى تمسح دموعها: بعد ماطلقني سافر اخذ جوازه وسافر
فيصل: ايـــــــــش طلقك بعد الي سواه طلقك
وليه مادقيتي على ابوك او امك
ليلى: كسر جوالي وانا موحافظه جوال غير جوالك وكل مادق على تلفون بيتنا محد يرد فيصل تكفى رجعني ماعندي فلوس كل افلوسي اخذها الله ياخذه
فيصل: طيب راح ارجعك بس باسم مين الحجز
ليلى: باسمي
فيصل: جهزي اغراضك وانا بدفع الحساب كله
ليلى: كلــه؟؟
فيصل نسى روحه قرص خدها: ايوه كله كم عندي باربي انا
ليلى حمرت خدها وراحت عنه
فيصل رفع حواجبه: شسويت انا .. وطلع من الغرفه..
&&&&&&&&&&&&&&&&&&&&&&&&&&&&&&&&
دانه: طيب طيب بقووم افففففففف
عذاري: ريوف بتتعبين معها
ريوف تظرب دانه بمخده: قومي قومي ورانا زوااج ومشاغل وعفسه داانووه بسك نووم
عذاري تطلع: بروح اشوف فطووم
دانه تغطي راسها وتلف الجهه الثانيه..
ريوف تتخصر: ياسلام والله .. ترفع اللحاف عنها.. قووومي وجع
مشعل بدون مايطق الباب فتحه: ليه هالص...
ريوف بس شافت مشعل غطت روحها بالحاف..
دانه تفتح عيونها: ياربي على هالبنت .. وتفتح عيونها على الاخر.. مشعل شستوي سكر الباب
مشعل استوعب الوضع وسكر الباب
ريوف نزلت اللحاف: عجبك الحين يادبه شافني اخوك
دانه: مسكين اخوي اكيد تروع الحين
ريوف اجلست على دانه وقام تظرب فيها..
دانه تستهبل: آآآي آآآي عورتيني آآآآي آآآي ياربي شكثر اعاني منك
ريوف: هههههههههههههههههه جد دانه قومي
دانه: طيب
&&&&&&&&&&&&&&&&&&&&&&&&&&&&&&&&
بوفيصل: حبيبتي ريما شنو مافيك شي بالله هذا جسم بنت ابوها تاجر الي
يشوفك يقول بنت فقر احسك كنك ورده ذبلانه قولي وشفيك
ريما ..آآآآآآه ياعمي وش اقول وش اتكلم...: مافيني شي
بوفيصل: انا سمعت ابوك يقول ان راشد ظربك وهو زعلان على راشد وش الي بينك وبين اخوك
ريما: هو صاير عصبي حبتين هاليومين وبسرعه يتنرفز
جوري تدخل: خلصتوا ترى دانه وريوف برى
ريما توقف : اوكي بروح ابلس عبايتي
بوفيصل: اذا في قلبك شي وانا عمك تعالي قوليه ولاتشيلين الهم وانتي توك صغيره وصديقني ياريما اني اعدك بنتي الثانيه
ريما تضمة عمها: تسلم وانت موعمي انت بوووي والله
بوفيصل يمزح معها: ريووم لاتكبريني انا توني كبر اخوك نواف هههههههههه
ريما: ههههههههههههههههههههه
جوري انقهرت: احلفي بس يلا ريما
ويجهزووا ويطلعون
&&&&&&&&&&&&&&&&&&&&&&&&&&&&&&&&
ليلى : ترى انا مومتاكده انه سافر..فيصل انا خايفه عليك منه
فيصل: لاتخافين وماله اي امر عليك والله ياليلى بس اشوفه اني العن جد جده طق مفكر الامر راح يمشي بسهوله والله لا اوريه نجوم الليل بعز الظهر
انتي غاليه ياليلى والي يظرك كانه ظرني
ليلى ارتاحت حست باماان لها ظهر تستند عليه في غربتها
صحيح كانت تكرهه ولاتطيقه بس بعد ماجلست معه
حبته .. فديت قلبك..: تسلم فيصل الله لايحرمني منك
من وراهم صووت : يا سلام والله...
ليست هناك تعليقات:
إرسال تعليق