الجزء الثامن لعيونكم
.................................................. ......................
وصلت سيارة فيصل الى المستشفى وراحت جوري لريما وفيصل لراشد .. واول ماشاف راشد فيصل ضمه بقووووه كنه يقول له انهد حيلي ياولد عمي .. فيصل يبعد راشد ويجلسه على الكرسي ..
فيصل: اذكر الله ياراشد
راشد: آآآآآآآآآآخ لا اله الا الله الا تعال من قالك ان حنا هنا
فيصل: اختي اتركك مني وشخبار عذاري و وليد
راشد: عذاري نايمه لحد الحين وليد جنبها
فيصل: وريما وشخبارها
راشد: صحت بس معذبه امي وابوي معها
فيصل: من يوم وهي صغيره حساسه ودلوووعه
راشد: اييييييه تصدق بالله يافيصل
فيصل:وشو
راشد بضيقه: انا شفت هالولد
فيصل بصدمه : من جدك ياراشد
راشد: كلمت حد اعرفه وخلاني اشوفه اناو وليد شكله يجنن كنه قمر واحلى من القمر بعد
فيصل: ياللللللللللله الله يعين امه
راشد: ويعين الجميع انا بروح عند اختي ريما اسمحوا لها تطلع بخذها وبوديها البيت
فيصل: وانا بروح معك
وعلى الساعه 7الصباح انتشر الخبر وصل الى خالات عذاري وخالات وليد وعند بيت بو بدر وكلهم جااو المستشفى.. والساعه8ونص تحركت السيارات واول سيارة تحركت سيارة بو وليد وكانت معه دانه والسواق يسوق و بعدهابو راشد وفيها ريما وامها وسيارت نواف وراشد تقسمت فيها خالاتهم وبعدها سيارة بدر الي كان فيها امه وابوه واخته ريوف ومن بعدها سيارة فيصل ومعه اخته وسيارة بوفيصل ومعه زوجته ام فيصل واخر سيارتين مشت سيارة علي ومشعل الي تقسمت فيها خالاتهم وعيالهم... وفي سيارة بو وليد كانت دانه حاطه راسها على كتف ابوها وتبكي ..
دانه: يبه
بووليد: هلا
دانه: ليه قلت لخالاتي يجون الحين بيتشمتون على عذاري وامها لاهم مايطقونهم
بو وليد: ان ماقلت لهم ياحبيبتي بيصير مشاكل وانا مالي خلق مشاكل
دانه: اافففففف الله يعين قلبي على ثقالت دمهم ويعين الخدم على وسخهم
بو وليد: عيب دانه هذول خلاتك
وسكتت دانه وثواني ونامت على كتف ابوها.. وفي سيارة علي .. كان علي موصل حده من خالاته
ام جابر هي اكبر وحده من خواتها من بعد ام وليدوهي اكثر وحده معارضه لزواج وليد من عذاري:ياحسرتي على ولد اختي لو الحين متزوج على بنت اختي ام سالم كان عنده او لاد وبنات احسن من ذي الي بعد سنتين جايبه له ولد ولا بعد ماات
ام حمد: لانها ماودها تجيب عيال الله عقبها تذكرين يوم تاخذ ستة اشهر واقول لها ماودك تجيبين ياهل صغير لوليد الا ترد علي بكل وقاحه وتقول( تقلد صوت عذاري بطريقه استهزاء) اتفقت اناو وليد بعد سنه من زواجنااحمل وبعدين حنا لاحقين على الا طفال
ام جابر: اشوفها بعد السنه جابت لولد اختي درازن عيال ترقع السالفها يااليت هي الي ماتت مع امها ولا الولد مات
ام حمد : اي والله ...
هذا هو بني ادم اذا كره حد حط عليه الغلط حتى لو كان الي يكرهه ماله ذب في السالفه واذا صار له شي حزين تشمة فيه نااسي انه في رب كاتب ومقدر كل شي وان هالشماته في هالامور بدا موزيه ولا في امور ثانيه الله يعاقب والله ماياخذ شي الا ويعوض بداله..وفي سيارة مشعل كان الاوضاع ادمر من سيارةاخوه
ام سالم: والله وكبرت يامشعل( تلف على اختها) تصدقين يا ام هشام علي طالع قمر يشبه اختي الله يرحمها
ام هشام:ايي شرايك نخطب لهم
ام سالم:اييي والله بس ماناخذ بنات عمامهم علشان مايصرون مثل الابقره الي طايحه لنا في المستشفى
ام هشام: عقبال امها يارب ماعلينا منهم الا قولي لي شرايك في بنات اختي ام حمد
ام سالم: مزايين واحلى من الي متزوجها وليد انا مدري وش عاجبه فيهاعوود صايره لي<<البنت رشيقه ويقولون عنها عود
مشعل كان يقول في قلبه مالت عليكم من خالات الناس وين وانتم وييين
ام هشام:هاا مشعل متى تزوج علشان اخطب لك
مشعل الود وده يفضخ العقال وهات فيهم ظرب: اقووول خالتي نزلي بس وصلنا البيت
ام سالم نتاظر البيت: الله يرحمك يااختي اخذوك منا معززه مكرمه وقصوا عليك واقتلوك
مشعل ولع من هالكلام: خالتي وش تقصدين بكلامك
ام سالم خافت من صراخ مشعل ولا ردت عليه.. والكل دخل البيت واستقبلهم بو وليد.. دانه قالت لي الخدم ينظفون الغرف لخالاتها وراحت نامت وقفلت الباب عليها وقال لفاطمه تقفل الباب عليها عشان عيال خالتها مايدخلون ويعفسون غرفهم ..وفي هالوقت دقت مدرسة فاطمه وردت على التلفون ام هشام ..
ام هشام : الووو نعم
المراقبه: هذا بيت فاطمه بنت خالد
ام هشام: ابييييه من انتي بعد يا حظي
المراقبه ولعت: انا وحده من اداريات المدرسه وابغى اعرف ليه فاطمه غايبه وهي في الاختبارات النهائيه للفصل الاول
ام هشام: عندها ظروف ويلا مع السلامه( وتسكر في وجه المراقبه)
وبعدها راحت لدرج وهي تمشي تشوف العز الي كانت اختهم عايشه فيه ام هشام تكلم روحه: الله لايهنيك يا ام وليد تزوجتي ابو الشركيات والعز وفشلتنا قدام اخوه فارس كان الحين انا متزوجه فارس وليد ما اخذ بنت نهادووه وكان زوجته وحده من بنات اختي ما اقول الا حسبي الله على نهادووه خطافت الرجاجيل
.. حتى اختهم ماسلمت منهم وهي تحت التراب .. وبو وليد كان في غرفته ويتذكر ايام الحلوه الي عاشها مع زوجته وهو يتذكر قاطعه صوت التلفون كان الي متصل منصور مدير اعماله ..
بووليد: الوووو
منصور : هلا عمي
بو وليد: منصور وش فيك متصل
منصور: اسف ازعجتك بس جوالك عندي ودقوا علي مدرسه الانسه دانه ومدرسه الانسه فاطمه
بو وليد: طيب وش يبغون
منصور: يسالون ليه غايبين والحين فترة اختبارات
بو وليد: كلم حد من معارفنا يمشي هالسالفه
منصور : ان شاء الله عمي . وسكر بو وليد من منصور و ناام ..
وفي بيت اخوه بوراشد ..
كل خوات ام راشد موجودين ويواسون اختهم ام راشد .. ام راشد بعد مانومت ريما راحت تشوف زوجها ويوم اخلصت من راحت لخواتها..
ام محمد: الله يعوضه عليها ويصبرها حبيبت قلبي عذاري
ام راشد بحزن على بنتها: يااااارب
ام سعود: هي ماصحت لحد الحين
ام راشد : لا زوجها معها اذا صحت بقول لنا
ام خالد: احسن واحد في اخوانه هو
ام راشد: لا والله كلهم فيهم الخير والبركه
ام سعود: الزين فيهم انهم ماطلعوا لخالاتهم طلعوا لابوهم
ام خالد: والله حتى امهم كانت طيبه الله يرحمها هي الوحيده الي كانت طيبه من بين خواتها
ام محمد: فشلوابو وليد جلسوا يصارخون على الممرضات والدكاتره
ام خالد: سودوا وجهنا
ام سعود: لو كان متزوج بو وليدوحده ماادخلو المستشفى
ام راشد: هم صدق مابيدخلون المستشفى بس دانه وفاطمه غصبا عنه بياخذونهم
ام محمد:اعوذ بالله ماكوا وحده فيهم طيبه
ام راشد: ماعلينا منهم قوموا ننام لان الظهر بنجلس علشان نروح لعذاري ..
وفي المستشفى صحت على الساعه 11 وشافت وليد جنبهاوماسك يدها وكان واضح عليه التعب عذاري ارفعت يده وبستها وصحى وليد من نومه وهومبهدل وضحكت عليه عذاري .. وليد شاف عذاري تضحك فرح
وليد يبتسم لعذاري: اسف نسيت عمري ونمت متى صحيتي
عذاري: من ثواني حبيبي ابغى مااي
وجاب لها وليد مااي وشربها.. وليد : والحين قولي لي عمري وش اخبارك؟؟
عذاري:حاسه بدوخه شوي
وليد يبوسها على جبهتها:طيب قلبي بروح انادي لك الدكتور ( وراح عنها)
وليد بس طلع من الغرفه هلت دمووعه وراح لعند الدكتور وقاله ان عذاري صحت ووصاه ان مايقول لعذاري على الولد هو بعدين بيقول لها بطريقته الخاصه وفعلا راح الدكتور وشاف عذري و سالته عذاري عن ولدها لكن صرف السالفه الدكتور وطلع من الغرفه..
عذاري : وليد رحت شفت ولدنا
وليد: هااا اي شفته طالع قمر
عذاري: حبيبي في شي
وليد: لاماكو شي
عذاري:اجل وشفيك موفرحان
وليد: لا بس امس طاح قلبي عليك
عذاري : طيب وين امي
وليد : في الظهر بتجي عمري لاتشغلين باك ارتاحي بس انتي
عذاري: تكفى وليد ابغى اشوف راكان ولدي
في بيت بو بدر..
كل كان نايم ماعدا ريوف وجوري الي قالت لفيصل ينزلها عند ريوف ..
ريووف: جوري ماشفتي عبد الرحمن في المسن
جوري تصرف: لا ماشفته فيني النوم تصبحين
ريوف ترفع الظعى :جوري قومي لاتنامين
( يرن تلفون ريوف المتصل عبد الرحمن وتعطيه ريوف مشغول)
جوري بحقد : وشيبغى ليه متصل
ريوف: وانا وشدراني بس مالي خلق اكلمه مدري ليه حاسني قلبي انه كذب علي يوم قال خواتي هم السخيفات
جوري تاخذ البطانيه: يمكن خواته
ريوف تحك اذنها: بس هو علاقته مع خواته عدم الا سجى هي العدله معه
جوري : اذا دخل بكره نشوف ابغى انااام انا علشان نروح لعذاري ونمر على ريما
ريوف: اي صح يلا ننام
وطول هالوقت كان عبد الرحمن يدق بشكل جنوني على الجوال واخذت جوري جوال ريوف وفقلته هنا عبد الرحمن جن جنوونه وجلس يسب في نفسه وفي جوري من امس مانام ولا رح الجامعه وطول الوقت يفكر في ريوف وحالته حاله وكل مايتخيل شكل ريوف وهي تبكي تزيد الضيقه عنده..
وفي المستشفى وبتحديدفي غرفة عذاري
عذاري تبكي: ويل قلبي مات ولدي مااات
وليد يبوس يدها: تكفين ياقلبي لاتسويف فينفسك كذا بسك بكي الله يرحمه والله كريم وبيعوضنا
عذاري تلف راسه وتبكي من قلب: مين بيواسبني في وحدتي لا طلعت من بيلبس ملابسه ليه راح عني موانا امه هان عليه قلبي
وليد: اذكري الله وان شاء الله بيجي لنا ولد واثنين وبيترسون البيت بس انتي لاتبكي قطعتي قلبي
عذاري: ابغى امي وين امي
ليست هناك تعليقات:
إرسال تعليق